Kultuur

  • kultuur 1web
  • kultuur 5web
  • kultuur 6web
  • kultuur 7web
  • kultuur 2web
  • kultuur 8web

Noord-Eind is nie net bekend as ‘n skool wat kultuur hoog ag nie, maar het ook sy eie Kunsteskool op die terrein waar verskeie genres van die kunste aangebied/onderrig word.   Spesialisonderwysers bied professionele onderrig in 'n wye verskeidenheid van musiekinstrumente aan.

Klavier, klawerbord, blokfluit, kitaar, tromme en viool.

Leerders doen Visuele Kuns as skoolvak en kan aan verskeie kunsaktiwiteite deelneem.  Leerders het ook die geleentheid om afrigting in Ballet en Moderne Danse te ontvang.

 Daar is dwarsdeur die jaar ook ander kultuuraktiwiteite /gebeurtenisse waaraan leerders deel kan hê en blootgestel word.

Juniorkoor (Gr. 2&3), Seniorkoor (Gr. 4-7) waar leerders aan koorsang & koordissipline blootgestel word en die voorreg het om by baie geleenthede op te tree.

By die Junior- en Senior slagorkes kan leerders die geleentheid kry om 'n wye spektrum slaginstrumente te leer bespeel.

Leerders by Noord-Eind kry geleentheid om dwarsdeur die skooljaar aan eisteddfods, kompetisies en ander kultuuraktiwiteite deel te neem, sodoende goed te presteer en toekennings te ontvang, die nodige blootstelling en erkenning te kry.  Die jaarlikse Paarlvallei Eisteddfod wat uit 'n groot aantal afdelings bestaan, is altyd een van die groot hoogtepunte op die kalender.

Leerders kan ook hul talente tydens kunsuitstallings, kultuuraande, talentaande en Kultuur tydens interskole met almal deel.

 

  • Noord-Eind leerlinge kry die geleentheid om in verskeie instrumente soos klavier, klawerbord, blokfluit, kitaar en tromme les te neem.

  • Ons het ‘n Junior- en Seniorkoor wat jaarliks aan die eisteddfod deelneem en by verskeie geleenthede optree.

  • Noord-Eind het ‘n Junior- en Senior slagorkes waar daar geleer word om ‘n verskeidenheid instrumente soos tromme, xilofone en vele meer te bespeel.

  • Noord-Eind leerders neem jaarliks aan die Paarl-Vallei Eisteddfod deel.

    • Talentaand
      Noord-Eind hou elke jaar ‘n talentaand kompetisie, waar leerders die geleentheid kry om hul talente in kuns, dans, drama en musiek te wys.
    • Interskole Kultuuraand
      Noord-Eind en Hugenote spog tydens interskole met musiek en drama-talente.
    • Musiekaand
      Tydens die jaarlikse musiekaand kry die musiekleerlinge van die skool die geleentheid om voor ‘n gehoor op te tree.